XX. mendeko Euskararen Corpus estatistikoa

Testuingurua

MEZULARI KOMUNALEK HERRIAK URRATU ZITUZTEN GURE INKA ASKATZEKO URRE ETA ZILARRA JASOAZ.

EZ ZEN ZAILA IZAN 9 OIN-ALTU, 35 OIN-LUZE ETA 18 OIN-ZABALERAKO ESPETXE-GELA BETETZEA.

BI METALAK UGARIAK DIRA GURE LURROTAN.

URREA ASKO ERABILTZEN GENUEN EDOZEIN EITE EDO OZKA-LAN ONARTZEN DUELAKO ETA AZIDO, HEZETASUN, AIRE, DENBORA... JASATEN DITUELAKO.

PLATER, EDALONTZI, AZPIL, APAINGARRI ETA EGUNEROKO TRESNAK EGITEKO BALIO ZUEN, BAITA IRUDI ETA ZIZEL-LAN ERLIJIOSO ETA ARTISTIKOAK EGITEKO ERE.

KORIKANCHA-N (KESWERAZ KORI-URRE ETA CANCHA- enparantza handia) URRE HUTSEZ ETA BEREZKO NEURRIAN MOLDATU ZITUZTEN BIKUÑAK, ALPAKAK, KONDOREAK ETA BESTE ZENBAIT ANDEAR ANIMALIA, ARTZAINAK ABAIL ETA MAKILAREKIN, ARTO-LANDAK...

LUR-PUSKAK ERE ZEHAZKI LANDUTAKO URRE-MOLDATUA ZIREN.

ARRANTZARAKO SAREEI PISUA EMATEKO SARE-BERUNAK ETA BALEAK HARRAPATZEKO AMU HANDIAK ERE KUPREZ NAHASTUTAKO URREZ EGINAK ZIREN.

ERAIKUNTZA BATZUETAKO ZIMENDUETAN HARRIAK LOTZEKO ERE URTZEN GENUEN.

INKAK BERE GELA URREZ ETA BESTE BIAK ZILARREZ BETE ZITUENEAN, EZ ZUTEN ASKATU, GARROTEAN URKATU BAINO, HERIOTZERAKO TRESNERIA ESPAINIAR BATEAN.

HIL BAINO LEHENTXEAGO, VALVERDE APAIZAK ZERA ESAN ZION: EZ ZAITEZ ATSEKABETU, ZURE BEKATUAK BARKATZEN DIZKIZUT ETA ZERURA IRITS ZAITEZEN OTOITZ EGINGO DUT.

1533KO ABUZTUAREN 29A ZEN.

ATAHUALPA-REN HILKETAREN ONDORIOZ GERTATU ZEN INPERIOAREN HAUSKETAREKIN... EKINTZAK BEREHALAKOAN JAZO ZIREN!

ATAHUALPA-REN HILKETA.